Karya: Ummu Aisyah
Takdir teu tiasa dipungkir
Qadar teu tiasa disinglar
Umpama jalmi mung tiasa usaha
Nanging Allah anu ngariksa
Ieu alam dunya teh parantos cape
Ningal polah jalmi anu tos teu malire
Kana alam anu teu sare
Bakal barontak pami teu dipalire
Padahal jalmi mung saukur wayang
Hirupna sakumaha dalang
Mung lampahna sok sakahayang
Bari hilap hirup teh bakal mulang
Upami cocobi atos dugi
Cai soca teu tiasa janten panangkal
Da alam dunya mah moal sulaya
Kana parentah anu Kawasa
Upami nyawa parantos diangkat ku Allah
Lantaran banjir, urug sareng sajabina
Nembe emut ka Mantena
Ngan hanjakal parantos tiwasna
Paripaos cai soca maseuhan damis
Kantun sabar ulah nangis
Bongan hirup saliwang
Tungtungna tilar dunya
Visits: 43
Comment here